Drejtori ekzekutiv i Bayern Munchen, Oliver Kahn, ka kritikuar sugjerimet se Bundesliga është bërë e mërzitshme.

Bayern ka fituar nëntë titujt e fundit të ligës radhazi dhe mund t’i bëjë 10 nëse janë në gjendje të ruajnë epërsinë e tyre në krye të tabelës deri në fund të sezonit.

Dominimi i tyre ka bërë që shumë njerëz të besojnë se liga është bërë jokonkurruese, por Kahn nuk është dakord me këtë gjë.

“Edhe nëse tifozët jo-Bayern ndoshta mendojnë se është e mërzitshme, për ne nuk është aspak e mërzitshme – dhe tifozët tanë e duan atë”, tha ish-portieri i bavarezëve për “SZ”.

“Është një motiv i madh për ne që të fitojmë titullin e 10-të radhazi. Asnjë ekip nuk e ka bërë ndonjëherë këtë në një ligë më të madhe evropiane”.

Bayern ka krijuar nëntë pikë hapësirë me vendin e dytë në Bundesligë dhe gjithashtu ka kaluar në grupin e tyre të Ligës së Kampionëve, duke vendosur një përballje me RB Salzburg në raundin e 16-të.

“Unë jam gjithmonë i mahnitur nga mentaliteti i ekipit tonë”, shtoi Kahn.

“Merrni shembull ndeshjen në shtëpi kundër Barcelonës. Më parë, mund të kishim thënë ‘Oh hajde, ne jemi tashmë fitues të grupit, mund të pushojmë sot’. Por çfarë kanë bërë djemtë? Ata thjesht e kanë shkatërruar Barcelonën”.

“Ata duan të tregojnë në çdo ndeshje se janë më të mirët. Ky vullnet për të fituar u bartet të gjithëve”, përfundoi Kahn./Arbresh.info